«fyn. § De uuestra gentil presencia / vida mia et mi sennora / me despido desde agora / con deuida reuerencia. ¶ al sennor rey don Alfonso. Iohan de Andujar. § Nvnca iamas uençedor / al mundo fue tan ardido / que amor non aya uençido. § Et sy algunos detratores / con ynorancia iusgassen / contra algunos amadores / porque lealmente amassen / digo que fasen error / e non saben que ha Cupido / el mundo l·es sometido. ¶»