«e beujdo non puede enpeçer venjno al que lo beujere. § Item dize Quirinus que quien comjere el ajia e beujere la sangre del gallo caliente avnque dormjese entre sierpes non le podrian enpesçer: esto mjsmo faze la sangre del anade. Item dizen los naturales que si la yerba que es dicha ypericon fuere molida e enplastrada sobre el mueso venjnoso non dexa llegar el venjno al coraçon. § Capitulo .lxvj. para las viruelas sanar. § Dize Costantius toma»