«item dize Diascorus que la yerba que es dicho tejo barbado molido e enplastrado sobre el mueso venjnoso e sobre toda ferida sana maraujllosamente. § Item dize Mazer que el mestuerço verde picado con farina de trigo y enplastrado sobre el antre venjnoso que se faze a manera de landre o de culebro sanaras con el dicho enplastro vsando por ello. § Item dize Aviçena e Giluertus que el estiercol del omme caliente e posado sobre el dicho antre venjnoso antes»