«fabla es clara breue e sustanciosa e paresce que mana por influencia diuina. pues si a Minerua por su grand sabiduria sacrificauen. quien negara esta non ser mas sabidora. A esta non se compara aquella Spuria romana. esta en sabiduria passo la escuela de Athenas. esta aquellos arroyos que nascieron de aquella fuente de philosophia en moral doctrina sobrepuio. qual Pictagoras. qual Diogenes. qual Platon. qual Aristotiles. o qual otro philosopho. »