«todos se aconpañan en deleytes con su senblante, syn ningun deleyte intellectual que non han. Asy que non es ninguna cosa en este mundo, que non retrayga a su par ygual e a la su propia natura. Aristotiles dize asy: todas las cosas del mundo, que son nasçidas yusso de çiertas costelaçiones, naturalmente se aman e quieren estar en vno, mas que non aquellas que son nasçidas en diuersas costelaçiones. E por»