«capitol de·las çepas. E asy mesmo deues notar aquello que es dicho de las mançanas e pomas, que seran menos de piñyol. Asy commo priscos, çiruelas e semblantes arboles. sy metes los enxiertos al reues: es a·saber, que la çima, o cabeça del enxierto sea aprimado e metido al reues en la fendedura el fructo non avra coraçon njn piñyol. Deues avn notar que tres differençias son de çerezas,»