«e tener grand rregimjento sy non en otra manera aprouechara muy poco njnguna medezina e vsando por estas cosas sobredichas seria inposible cosa si non sanase el paçiente. § Item dize Ricardus toma el çummo de·la yerba que es dicha artemjsa e beba d·ello media taza cada dia treynta dias continuos sepas que fallaras en·la orina arena molida por do podras entender que se puede desfazer la piedra esto es cosa prouada. § Item dize Diascorus que la»