«item dize Quirinus toma los huesos del buytre e muele·los e echa d·estos poluos sobre las llagas abiertas e soldaran. § Item dize Aviçena toma ençienso e almastica sangre de drago mumja mayor mjrra simjente de mestuerço rrayzes de arçolla secas: sean todas estas cosas fechas poluos e comjdas e bebidas e enplastradas: non es quebradura que non sane si·el rregimjento sobredicho fuere guardado por que sin rregimjento bueno njguna melezina puede aprouechar segund dizen los»