«Diana, qui era fuera·l muro. Los habitadores de·la cibdat, no proujentes e los cibdadanos salientes, escampados por acorrer al fuego, tomo la cibdat vazia de defendedores.§ Alchibiades duque de·los athenjenses, como touiesse sitio a·la cibdat de Gergente, noblemente stablecida, demandando fabla, tuuo luengo conseio con aquestos, assi como de cosas pertenecientes al bien comun en·la plaça, en·la qual segunt la costumbre de·los griegos el»