«Salamon dixo en·los Cantares. Las muchas aguas esto es las muchas tribulaçiones non podieron matar la caridat.§ Onde la tribulaçion. a manera de agua tenpra el vino de·la alegria tenporal por que non enpesca a·la cabeça flaca. Esto es el anima del onbre spiritual por mengua de entendimjento. o por otro algund defecto. E avn la tribulaçion a·manera de agua afoga a·los enemigos spirituales esto es»