«sant Anton. despues que vençio a·todas las tenptaçiones. Anton yo aqui estaua. e espere en·la tu vitoria. E por quanto fuertemente peleaste. yo te fare nonbrar en·todo el mundo. E como somos tenptados de la carne, o de otro qualquier pecado, gozemo·nos contynuamente pues que continuamente vençiendo aprouechamos. Onde dize sant Gregorio. como somos tenptados por la diujna dispensaçion. bien dende alcançamos por que non seamos ensoberuesçidos»