«Ca entonçe ençienden vna estopa, e lançan la en alto, e ansi ençendida luego es consumjda. E dan grandes bozes diziendo. ansi passa la gloria de aqueste mundo. E avn si cognosçiesses la dolençia del onor, non curarias de·la querençia del onor, o su carençia. Ca te paresçeria dolor. Ca segund dize Pedro de Rauenas. sienpre el cuydado aconpaña al onor, por luengo tienpo. e por poca delectaçion se sigue grand desplazjmiento.»