«los malos dezires e las detraçiones e disfamaçiones mayormente las que son falssas. Ca quando nos maldizen e nos detrahen e disfaman, estonçes nos loan. e alaban. Ca segunt dize Seneca. quando los malos nos desonrran. honrra es. Por ende de las malas palabras de los malos non seas turbado. Ca por ellas Dios te ordena aqui seas humillado. Onde dize Graçiano. avnque la murmuraçion proçeda de·la maliçia de·los»