«quando me es dada mando·la vender. e el su presçio dar a·los pobres.§ Jten non te querelles sy tienes pobre cama e pobres alfajas de·la casa mas menospresçia tales deleytes. Onde dixo Ysayas. el tu lecho sera de comezon. e la tu cobertura de gussanos. O qual lecho deyuso e quales coberturas desuso, o qual e quanto aborresçible tormento. el qual por que tu escapes razonable te deues»