«el regno de·los çielos se gana por fuerça.§ Por ende prouee tu por las penas paçientemente sufridas esperanças de·la gloria alcançar. e por los bienes tormentos e asperezas ganaras a·ty los deleytes eternales. e la vida perdurable. ca los regnos çelestiales a·los solos justos son deujdos.§ Dezeno libro.§ Sigue·sse el dezeno libro el qual contyene consolaçiones e remedios contra las turbaçiones e tristezas que los onbres»