«ventura por mengua de palabras o porque era loco callasse. respondio non ay loco que calle. E dixeron le por que tyenes çerrada la boca? respondio porque algunas vezes aver fablado me peso. Onde dixo Caton. non enpeçe a alguno aver callado, e enpeçe aver fablado. E vn metrificador dize. mas es la lengua de refrenar, que los castillos derribar. Jten el silençio muestra al onbre ser sabio. Onde dize Salamon.»