«E que cosa es onestad sinon onor perpetuo. e estado de onor?§ Jtem por la virtud averas conpañia muy noble. Onde dize Seneca non es conpañia mas noble njn mas firme que los que son ayuntados en amjstança, e son semejables en las buenas costunbres.§ Jtem por la virtut averas poderio real e coraçon bien ordenado. Onde asi como el regno es bien ordenado quando en·el ay derechos consegeros e»