«omes fuesen abstinentes de gulla, Dios fizo al ome mas pequeña boca, segun la cantidat del cuerpo, que non a ninguno de·los otros animales. Salamon dize: aquel que es abstinente se creçe la vida. Basalis dize: al cauallo se mete el freno por retener·lo, asy es menester la abstinençia al pecado de·la gulla. De·la abstinençia se lee en las Romanas Estorias, como vna vegada caualgo el rey Alexandre»