«aquel me trae. Dize aqui Beda que todos metian las manos con·el señor en·el tajadero. Quando esto oyeron turbados, retrayan las manos, e solo Judas con grand soberuja, e poca verguença non la retraya. Dando a·entender que non entendia nada, e era inoçente de aquel fecho. E simulando innoçençia era cuydadoso como cumpliera su maldad. E entonçe el señor dixo. Guay del onbre por el qual el fijo»