«madre mja. e si vos viesedes agora en que manera vuestro fijo esta tratado, e como fue judgado por tres juezes. e en la casa del primero juez, abofeteado, e ferido. en·la casa del segundo como fue vituperado, e escupido, e ferido. e en·la casa del terçero, mucho scarnesçido e desonrrado. Creo yo verdadera mente madre mja que sy vos esto supiesedes que fallesçeriades con grandes dolores de angustia»