«fuerça vençer non lo puede vsa de engaño mudando·se en otra forma. E toma primero figura de sierpe de muchas pintadas colores trayendo en·la boca venino. Esto faze el mundo mostrando las sus prosperidades e plazeres siquiera bienandançia que son entendidas por la variedat de·las colores que a manera de prado de flores guarnesçido o de labores en paño de sirgo fermosas conpone la piel de·la engañosa sierpe tinta de biuas e plazenteras de ver»