«§ De·la dolencia que dizen vexigas. § Fazen se vexigas por camas y braços a·los cauallos de allegamiento de frios humores: alçan el cuero tan alto como vna auellana: y ahun a vezes en las camas baxo cabe el bolete suelen sobir assi como hueuos: cojen mucho viento: hinchen se de vna muy mala aguaça: y su gouierno desciende de·las venas capitales. Lo mismo se fazen quando los cauallos son muy fatigados»