«dize gilluertus toma agrimonja dos onças pinpinela seca dos onças arnaglosa dos onças e çentengrana dos onças e cardenjllo vna onça: sea fecho todo poluos çernjdos e alinpiadas las llagas echa de·los dichos poluos e saldra la fistula o cançer. § Item dize Giluertus e Diascorus toma la yerba que es dicha timjall con su rrayz e seca·la en·el forno e faz poluos e vsa por ellos sana la fistula o cançer. Item dize mas la»