«esconde el lobo. Platon dize tres cosas fazen entristeçer a todo onbre sabio: el rico quando viene en pobredat, e el onbre honrado quando es menospreçiado, e el ome sabio quando por el loco es engañado. Casydoro dize: ninguna cosa non puede ser peor en·el mundo que la trayçion. Salamon dize: non traygas ningun ome a la tu casa fasta tanto que lo conoscas, ca munchas son las trayçiones. Dize»