«alnados que ellos quisieran cometer aquel yerro. Quexando·se al marido e afrontando·lo de castigo. E Fineo vençido e mas verdaderamente engañado por las palabras conpuestas de·la muger. Conçibio yra contra los proprios fijos non culpables çegando·los de·la corporal vista. En vengança de aqueste tal fecho fueron los dioses muy yrados contra Fineo penando·lo de tanta culpa por essa mesma guisa e priuando·lo de·la vista segunt el a sus fijos»