«esta es la vida actiua ordenando·la segund virtud requiere. Asy es arrancado este cuerno del mundo que lo tiene consigo quando la dicha vida peruierte o desuia de·la su verdadera fin e derecha entençion. Ca la contenplatiua non la cale arrancar por que el mundo preuaricar o en otra manera. Mudar siquiera desuiar non lo puede. E este cuerno de·la vida actiua dio Hercules a·la deesa Copia que quiere dezir habundançia .»