«los flacos onbros de·la mugeriega voluntad pareçiendo a Atalante e faziendo·lo asy esto sera conuertida en monte exenplar en que miren e sobre que esten las otras mas fuertes mugeres. E quando llegare a·la hedat casadera conseruando conjugal castidad sy fuere con marido juntada. O la virginidat començada sy non casare e biudez o viduidat si le acaesçiere con mayor fuerça sosterna las çelestiales costunbres segunt Hercules que despues de Atalante guardo el çielo non cayese»