«luengo espaçio que le fizo perder la vida apartando la diabolica anima de aquel yniquo e diforme cuerpo. Asy fue Libia delibrada de·la angustia en qu·el gigante Anteo la tenia. E despues por Hercules reformada en·las costunbres e restituyda a·la çiuilidad de beuir. De alli adelante los libianos ouieron en grant reuerençia e recordaçion Hercules de quien tanto reçibido avian benefiçio escriuiendo·lo en sus estorias a consolaçion de·los suçessores. § Esta manera»