«e tomad de todo esto lo bueno es a·ssaber lo que la iglesia vniuersal ha por bueno e consiente vsar assy como de façinaçion guardaredes vuestro cuerpo e mucho mas apartes vuestra anima de pecado biuiendo virtuosa mente por cuya conseruaçion deue omne elegir la muerte ante que dar·se a viçios. E por esso dixo Aristotiles .3º Ethicorum. Melius est mori quam facere contra bonum virtutum. Quisiera mas tal ynformaçion vos por palavra dezir que en escripto enbiar. E asy a·»