«e aquella del tocar es mucho mayor, que prueua santo Tomas de Aquino. E asy, segun paresçe, todo amor e deporte de concupiçençia esta en·el deleyte carnal o corporal, e ninguna cosa non se contenta del deleyte intelectual, dexando lo mayor por lo menor; asy como cosa que non cura, synon de su propio deleyte, non esguardando ningun honor nin el deleyte de·la muger, synon tan solamente que pueda satisfazer»