«las pasiones de amor son fuertes de registir por la parte menos prinçipal y mas baxa que nos tyra, atorgo: mas estas pasiones ny jnclinaçiones no ponen necesidat se ayan de fazer nin seguir contra la voluntat nuestra ny determjnaçion del franco albitro: el qual puede tomando dexar: y dexando açeptar: aquello que por determjnaçion suya tuuo conoçido: no por neçesidat: mas por el libre querer que le fue dado: sin empedimjento ninguno»