«a la su propia natura. Aristotiles dize asy: todas las cosas del mundo, que son nasçidas yusso de çiertas costelaçiones, naturalmente se aman e quieren estar en vno, mas que non aquellas que son nasçidas en diuersas costelaçiones. E por esto a cada vno paresçer deue bien amar las cosas por las quales sea sano e saluo. Por tanto que aquella cosa, que es asemejar·se, non trayga al ome algun daño»