«de muro en derredor de aquel lugar. E aquella ençendida lanço grant fuego e leuanto grandes flamas que al çielo llegasen. Asy fue ardida la fiera sierpe. E toda la espesedunbre del feno o yervas de aquel lugar do ella se escondia e moraua fueron por el sotil fuego la muchedumbre quasi syn cuenta cabeças en çeniza conuertidas en vno. Que non pudieron ser tajadas suçesiuamente por la dura espada. E en esta manera ovieron reposo»