«Gilbertus leche caliente beujda es muy confortosa al omme sano. § Capitulo .xxiij. de·la navsea que es vna dolençia de vomjto. § Navsea es dolençia quiere deçir gomjto quando la persona quiere echar e non puede e quebrantase e non echa nada: para esto toma su simjente del eneldo tostado e comjda o odorada por las narizes tira el vomjto. § Item dize Diascorus que la bretonjca confaçionada con mjel a manera de faba comjda tira el vomjto faze»