«convertidos. Tal fuego como este aquel virtuoso piadoso passado de quien toman enxenplo ençienden con·la nonbradia que dexo de·la grant penitençia que fizo e aspereza de vida. Arredrando de sy toda ocçiosidat que es lugar paludoso o encharcado para tal como esta criar serpiente. E en este paso cognosçen que non abasta sola reprehension que se entiende por el tajar del espada. Nin refrenamiento de razon que es entendido por la fuerça de Hercules .»