«sigujente a esto los quartos çagueros se cortan menudo syn curar del traujeso picando aquella carne en tajador commo es dicho de·la otra: su cabeça fender·la por medio por que el çelebro d·el es bueno con gengibre ençima moljdo e sy el cabrito entero non traxieren sy non partes d·el en·los tajos que dizen del todo se entiende lo que a·sus partes conviene: de su rrelleno fazer commo de cochino ya dixe .»