«vso de aquella. E por quanto la disoluçion es mouida por cobdiçia dizen que era çentauro. Otrosy d·el dixeron ser fijo de Vulcano dios del fuego a demostrar que en poco spaçio ardia e gastaua lo que el entendimiento en muchos dias avia hedificado. Esta dissoluçion syn contradezir le alguno vsa de·la su rapina. Fasta que vino Hercules que es el cognosçimiento e arrepentimiento de·los malos fechos que aya vençido el rey Girion .»