«mas de mis ruegos muy disolutos que de tu querer: pues qual hombre fuera tan hozado a·me dezir cosa tan graue si en mi no viera senyales de grande apareio? Y porque yo era cierta que segun mi stado que ahun que tu me amaras la verguença te causara non me lo hozar dezir: mas yo como senyora ansi como quien te puede mandar te mande que fuesses mio: lo qual tu contradezir no podiste:»