«la qual razonablemente se refrena el viçio carnal. Puede·se asemejar la virtud de·la castidat a la tortola, la qual jamas non faze falta a la su conpania, ca sy la vna muere jamas non le faze falsia, antes todos tienpos obserua castidat mientra es biua, e jamas non beue agua clara, nin se asienta en rama verde. San Gregorio dize la virtud de·la castidat ligeramente se gasta quien non la obserua»