«saber porque te aproueches, e sy non lo metes en obra non conosçes su entendimiento. Preguntaron Alexandre por que honraua mas a su maestro que a su padre. Dixo: porque mi padre me ha metido en vida finable, e mi maestro en vida durable. § .vii. seso es mas noble cosa que ningunt honor tenporal. Seso es fallar verdat con pensamiento, e saber que es por venir por lo pasado. La mayor pobreza»