«sea fecho muchas vezes e sanara. § Item dize Diascoruus toma la yerba que es dicha pentafilon sy es verde da el çumo a beuer si es seca muele·la e da los poluos a beuer con vino. § Item dize Galterius sobre el libro de Diascorus toma vn ladrillo e escalienta·lo mucho al fuego e rroçia·lo con vinagre e pose·se el paçiente sobre el en manera que lo pueda sofrir syn rropa njnguna que tenga en aquellas»