«ca la gentileza que es prestada es como la poma cortada, que muestra de fuera aquello que non es de dentro. Aristotiles dize: el sol toca en·el fango e non se ensuzia, ninguna cosa de·la gentileza prestada non queda, synon el nonbre. Aquestas son las señales de·la gentileza: ser franco, aver conosçençia de·los seruiçios, ser prudente, ser vergoñoso, esquiuar vilezas. De·la virtud de·la»