«ca asy como el matrimonio non es separable asy la buena vida pues que es començada dexar non se deue. Lieua·se·la Ercules es a saber platica·la de buen proposito e falla en·el camino Atheleo el gigante que le quiere quitar a Danayra. Esto se entiende por aqueste mundo que ha grant fuerça asy como gigante que quiere tirar el vso de·la buena vida al virtuoso luchando con·el por diuersas e muchas tentaçiones»