«quedando el debdamjento e soluçion a·la posteridad secundada: ca non es alguna cosa que tanto lealtad engendre e mantenga commo libertad e segura esperança de gualardon: asy se faze el coraçon mas noble e se preçia en dexar fazaña e biue seguro que su bien fazer sera sabido nonbrado e conosçido e ya comjença en·sy a·gloriar·se del venjdero bien que por çertedunbre rreputa presente e demas d·estas husadas perrogatiuas los reyes e señores deuen»