«non ay melezina conparada a esta. § Item dize Gilbertus toma simjente de eneldo e çimjno e calafonia sea todo puesto sobre las brasas dentro en vna olla e pose·se el paçiente sobre ella esprima·se bien commo quien quiere fazer sus mandados en manera que rresçiba bien este fumo e sanara. § Item dize Diascorus toma el eneldo tostado e faz vn saquillo d·el e pon·lo caliente en·las partidas baxas e traya·lo fasta que sane»