«e ansy andando Proserpina se alongo de·la conpañia e fue vista por Pluto prinçipe del jnfierno cobdiçiando la por su fermosura. Tanto que salio de Mongibel. E otros dizen que fendio la tierra e salio por aquella fendedura. E mostrando·se tomo por fuerça a Proserpina e levo·se·la a·la fondura de·los infiernos para se casar con·ella. Quedo el mundo menguado de·los dioses eroes. Ca non avia quedado otra»