«que la cosa requiere. Ysidoro dize: non es de loar quien comiença, mas quien perseuera. San Gregorio dize: munchos corren el palio, mas aquel que mejor perseuera en·el correr lo gana. En las Estorias Romanas se lee de·la virtud de costançia, como vn rey de Greçia fizo vna ley, la qual se mostraua al pueblo muncho dura de sostener, e el rey todavia se metio en coraçon de fazer·la»