«puede como dixo Virgilio in Bucholicis. Egloga terçia. Nescio quis teneros occulos michi fascinat agnos. Esto es quando natural razon e palpable puede sentir de·la causa del façinar a manera de aquel. Ca d·este dicho se entiende el ayre resçebir esta jmpresion por raridat o diuersidat en el causada. Por el agente visiuo mas de quanto al deuido conuiene tenpramiento e muda su prouechosa calidat en dañosa. Tal es la via de·la trasformaçion o alteraçion de·los elementos»