«rrayz del lanpazo e cueze·la con vino e açeite es maraujllosa cosa. § Item dize Gilbertus toma la simjente de·los cogonbros e cues·la con vino dulçe maraujllosamente prouoca la orina si vebiere el dicho vino. § Item dize Ysaque que la corteça del nogal o las fojas secas molida e beujda con vino prouoca la orina. § Item dize Diascorus que las fojas e la rrayz de·la llanten majadas e beujdo el çumo prouoca la orina:»