«qujen el vso d·esta dotrina pertenesçe. Sea su nonbre loado en cuya virtud se cunplio. Amen. § Sigue·se el traslado de·la carta que fue ordenada para enbiar con·el dicho tratado cometiendo·lo a correpçion. § Sancho de Jaraua amjgo. Yo don Enrrique de Villena tio de nuestro señor el rey e vno de·los del su consejo vos enbio mucho a saludar e signjfico por don Mjguel Ramjrez escudero de mj casa ogaño de·la vuestra me fue denunçiado»